كلمات شيلة تمنيتش طلال النومسي

شلية تمنيتش

كلمات شيلة تمنيتش  2015 وهي من كلمات حمد البريدي واداء طلال النومسي


كلمات شيلة تمنيتش

تنقي يابعد كل الخلايق واطلبي واعطيش
وضعت القلب بيمينش وسلمتش نظر عيني
تراها كلها فدوه تنقي كل مايرضيش
لاشفت السعادة في عيونش كانها فيني
انا قلبي مثل طفلاُ تضمه بالحنان يديش
عيونه كل ما ابعدتي تقول بصمت ضميني
غرامش رجع اشواقي ورى الايام حب وطيش
متى علمي بلحظات السهر يابهجت سنيني
احبش قبل لاشوفش ومحتاجش قبل لاجيش
تمنيتش قبل لادري اذا كنتي تمنيني
حفظت اسرار ما احسه تجاهش واعترى مغليش
وعلمتش عقب وصلش وش اللي فيش مغريني
على بحر الاماني واللقاء خلى الغريق يعيش
ياكثر العابرين اللي ملامحهم ما تسبيني
انا مدري وش اعبر انا مدري وش اسميش
لكني اسعد العالم ما دام انش تحبيني
قتلتني صوتش الناعم لاسولفتي علي بشويش
اسرني عطرش اللي عاد اللي بقي على يديني
تقاسمنا المشاعر والصدف لاتسأليني ليش
ياكم حاجه بنفس الوقت صارت بينش وبيني
اذا قلبي وهو قلبي اذا غبتي يسولف فيش
اجل شقول عن طيفاً يصبح بي ويمسيني
مادامش في نجل عيني ياجعل العين ماتبكيش
اذا مريت في بالش وفتقيلي وحاكيني
امانه طمني قلبي مادام ان الوصل يمديش
قليلش عن كثير العالم باسره يكفيني
تراني مستعد في زحمة العالم اضم ايديش
عشان احرق قلوب العالم اللي ما تدانيني
 هلا بش كل ما ابطيتي وجيتني ويالبيش
 يا حي ذا العين من وصلش ونظرة عينش بعيني
انا احبش واحب أمش وأبيش وكل ما يعنيش
وما يزعلش يزعلني ومايرضيش يرضيني
طلبتش طلبه وتكفين دام اني مولع فيش
ترى عند البدو عيب عقب تكفى تخليني

2 التعليقات:

  1. الاغنيه رووووعه ****



    ردحذف
  2. انا احب هذا الشعر واموت فيه واحب الشاعر

    ردحذف